3.10.20

LA DEUDA / ESPERANZA MEDINA

 

Yo nun soi tresparente,
nun vivo nos castiellos,
nin torno en gaviluetes les pallabres, 
nin descubro universos.

Nun güarezo palombes nestes manes,
nin tengo nestos llabios un misteriu,
nin la voz melodiosa pa roba-y
al mar los marineros.

Yo nun tengo futuros pa mostrate
nin guardo los secretos.

Namás xuego a la vida.

y siempre pierdo.



NUN FUTURU
 
Somos les nietes
de les muyeres silencioses,
les que nun falaben por mieu,
les que creyeron que teníen que tar en casa
cola pata quebrada.
 
Somos les hermanes,
les madres y les fíes
de les que nun tienen voz,
de les que nun saben que pueden tener voz.
 
Nun tenemos derechu a tar callaes. 

La deuda 
Esperanza Medina
Ediciones Trabe
Asturias 2020

 


2 comentarios:

  1. Hacia tiempo q no pasaba por tu casa. Me alegro de haberlo hecho.
    Un besico.

    ResponderEliminar
  2. Muy, guapa, gustome, mucho,un besín

    ResponderEliminar